சாத்தானுடன் தேநீர் அருந்துதல்
1. இள மஞ்சள்நிறத் தேநீரோடு
சூரியனை
வரவேற்பதிலும் வழியனுப்புவதில்
பித்தநிலை
பெருவிருப்பமுடையவன்
சாத்தான்.
சூரியனின் மஞ்சள் நிறம்
தேநீர்க் கோப்பையின் உள்ளிறங்கியதை
உற்றுப் பார்த்தபின்
லயித்து ருசிக்கிறான் முதல் மிடறை.
சாத்தானின் வயிற்றுக்குள் குளிர்ந்து
மிதக்கிறது சூரியன்
ஒளிக்கற்றைகளை மெல்ல பரப்பி.
நிலவு ஒளிரும் சாமப்பொழுதில்
மதுவருந்த அழைக்கிறான் சாத்தான்.
சூரிய உதயத்தில் புறப்பட்ட கடவுள்
சிக்னல் நெரிசலில் சிக்கித்தவிக்கிறார்
மதுவின் முதல் மிடறு சுவைக்கும் பேராசையுடன்.
கருத்துகள் இல்லை:
கருத்துரையிடுக