கண்ணீரின் நிறத்தில் மிதக்கும் நிலா
-- மனுஷி
என் நிலா
நீல நிறத்திலும் இல்லை
எப்போதும் போல
ஆரஞ்சு மஞ்சள் நிறத்திலும் இல்லை
சுடர் மங்கிப் போய்
கண்ணீரின் நிறத்தில் மிதந்து கொண்டிருக்கிறது
இருண்ட வானத்தின்மீது
பாவம்
அது
நகர்தலை மறந்துவிட்டது
சுவரில் வரையப்பட்ட ஓவியத்தைப் போல
உறைந்து விட்டது
என் நிலா
இனி நகரப் போவதில்லை எனில்
நீலமோ
ஆரஞ்சு மஞ்சளோ
ஏதோ ஒரு நிறத்தில் ஒளிரப் போவதில்லை எனில்
நிறமற்ற நிலாவின் கதையைத் தான்
என் குழந்தைக்குச் சொல்ல வேண்டியிருக்கும்.
கருத்துகள் இல்லை:
கருத்துரையிடுக