காதலுக்கு முன்
-- மனுஷி
இதற்கு முன்பு
என் உதட்டில் புன்னகை இருந்தது.
எனது இதயத்தில் காதல் இருந்தது.
என் பொம்மைகளுடன்
உரையாடல்கள் இருந்தன.
மாலைப்பொழுதும்
இரவும்
எனக்கானதாக இருந்தன.
இதற்கு முன்பு
எனக்கென பிடித்த உணவு ஒன்று இருந்தது.
எனக்கென பிடித்த நிறம் ஒன்று இருந்தது.
எனக்கே எனக்கான பாடல்கள் இருந்தன.
இதற்கு முன்பு
எனது கண்களில் கனவொன்று
மையம் கொண்டிருந்தது.
எனது பூக்களில் வாசமிருந்தது.
எனது மொழியில் கதைகள் இருந்தன.
இதற்கு முன்பு
எனது நதிக்கரையில் மடியில்
சிறுபிள்ளையென இருந்தேன்.
எனது வண்ணத்துப் பூச்சிகளின்
சிறகசைப்பில்
நான்
நானாகவே இருந்தேன்.
காதலுக்கு பின் எப்படி இருக்கு லைப் ?
பதிலளிநீக்கு